Thursday, January 21, 2010

فلنزيل تلك القشور




نتوجّه إليك أيها الشباب اللبناني، في بيتك وفي هجرتك طالبين منك أن تزيل القشور. ماذا أعني؟ كثير من الأمور تبدو لنا واضحة في حياتنا ولكنها بالفعل مزيفة وتختبئ وراء حقيقتها . هدفي من هذا النثر الشعري أن ننزع معا ً تلك القشور لأنها مهمتي ومهمتك. نعم، إذا كان الوطن لن يبن َ على سواعد الشباب فأية راية لأي وطن سنرفع؟

رحت انتسبت لحزب معيّن
وحبيت تستقلّ عن أهلك
حاسب وخليك أهل للمسؤولية
ورأيك يضل ّ مبيّن
مشاكل بيتك كتيرة ما بدّك ترجع
وحياتك رح ترجع تحنّ
لو ترأست أحزاب العالم كلها
بينقصك عطف بيّ ودمعة أمّ
اشتغل من هلّق عالجهتين
لأهلك محبّة ولوطنك دين


ما بتتخلّى عن هالسيجارة
بتقلنا إنك فاشل ومعصّب
بتودّيك ع دنيي ثانية
ما اقتنعنا بس خلينا نجرّب
طيب هالدني ل عم تحكي عنّا
حَ تخلص بعد ثواني
طفيا وريّحنا منّا
عندك لوطنك أمانة
وإذا ما اقتنعت معنا
تراك (اترك) لمنيحك مسرح
بتكون رحلت بكّير عنّا
بس ببلدك بيبقالك مطرح


شو بدّك بالمخدّرات
مش هالتجارة ل بتربّحك
بتخلّيك تجني الأموال
وعشفير الموت بترنّحك
قتلت الناس بمخدّراتك
عيّشت ولادك من بعدك؟
دمّرتم رح يعيشوا بلاك
وكيف بِردوا الدين لضحاياك؟


روح سهار وين ما بدّك
وضلك لطلوع الشمس
بس خلّيا تنوّر أعمالك
ولا تهمس للخنوع همس
بتقلي بلا واسطة ما بتنمحى الدمعة
بتفوتك عأكبر مؤسسة
صدّق ما في غير العلم والمعرفة
بخلّيك أكثر من جمعة


غامر بكلّ المجالات
ولا تفكّر بالطائفية
وطنك عنوانه التعايش
إسلام ومسيحية
لبنان انبنى عالتسويات
من وين ما كان بيستوردها
أكيد ما فينا نصدّرها
خلينا عالقليلي نصنعها

لا تنطق بكلمة "يأس"
حكي وافعل بدون خجل
"النجاح"؟ شراب (إشرب) هيدا الكأس
وولّد من المعاناة أمل

بتهاجر ومعك كلّ الحق
بدّك تعيش وتجمع ثروة
بس بلاد الناطحات هبطت ب ِ دقّ
وبلاد الرمل بتشرب ما بتروي
فكّر رجاع بلدك عطشان
وبلادك كلها عمى بصيرة
ما تخلّي كرامة خيّك تنهان
رجاع محتاجتك الليرة

كل القصّة تنزع هالقشرة
تتفهم لبّ الخبرية
كل اللي قدامك كذب
شيلها بتفهم القضية.

بقلم مسعود السرعلي

5 comments: